WhatsApp訂購(852)95057688 97118291 電話訂購直線(852)-21171188 37219898  
 
用戶:
密碼:
驗證碼:
     
 
 
 
首  頁 >> 主題專區
 
困難時刻促銷兼益愛花人 花墟搞搞新意思 一蚊雞拍賣花卉
來源:頭條新聞 已被流覽66次

 

  遊行示威隔幾日就發生,少咗人出街,加上外圍經濟麻麻,大家消費都審慎咗。有經常去旺角花墟買花返屋企嘅好朋友就話,近日去花墟,見到花卉減價不特止,仲有花店搞搞新意思,舉行鮮花拍賣,底價低至一蚊雞!成功吸引啲女士圍觀兼落價,搞起氣氛,亦促銷益愛花人。

  Kelly聞訊,當然去睇吓,見到呢間喺花墟嘅花店,每日傍晚六點半至七點喺門店放滿一紮紮鮮花,推出拍賣,每紮底價一蚊,真係令人幾意外,好多女士見到啲花好靚,都圍觀同競投,氣氛都幾熱鬧,小妹見到有女士以十七蚊投到一紮花,原價一百蚊,見佢開心到笑容𤌴爛,亦有人以六十蚊投到一大紮,原價六百幾蚊,真係筍。

  小妹見到店員忙於工作,消費者亦買得開心,可見經濟唔好,大家都要諗計,推動業務,而減價同刺激消費方法,其實板斧多,只係如何運用,Kelly就覺得呢間花店好醒,密食當三番,又可以令顧客開心,一舉兩得,希望撐過呢個困難時刻,明天會更好啦。

Kelly Chu

 
 
版權所有@2008-2016 花花世界